Riddle 24

Verse Indeterminate Saxon

Ic eom wunderlicu wiht,     wræsne mine stefne,
hwilum beorce swa hund,     hwilum blæte swa gat,
hwilum græde swa gos,     hwilum gielle swa hafoc,
hwilum ic onhyrge     þone haswan earn,
5guðfugles hleoþor,     hwilum glidan reorde
muþe gemæne,     hwilum mæwes song,
þær ic glado sitte.     ᚷ mec nemnað,
swylce ᚫ ond ᚱ     ᚩ fullesteð,
ᚻ ond ᛁ.     Nu ic haten eom
10swa þa siex stafas     sweotule becnaþ.