Riddle 66

Verse Indeterminate Saxon

Ic eom mare     þonne þes middangeard,
læsse þonne hondwyrm,     leohtre þonne mona,
swiftre þonne sunne.     Sæs me sind ealle
flodas on fæðmum     ond þes foldan bearm,
5grene wongas.     Grundum ic hrine,
helle underhnige,     heofonas oferstige,
wuldres eþel,     wide ræce
ofer engla eard,     eorþan gefylle,
ealne middangeard     ond merestreamas
10side mid me sylfum.     Saga hwæt ic hatte.